Սիսիանի համայնքապետարանի պաշտոնական կայք

30.11.23 «ՍԻՍԻԱՆ, ԳՈՐԻՍ, ԻՄ ԿԱՊԱՆ, ՁԵԶ Է ՏԱՆՈՒՄ ԻՄ ՃԱՄՓԱՆ» ԽՈՐԱԳՐՈՎ ՄԻՋՈՑԱՌՈՒՄԸ ՍԻՍԻԱՆՈՒՄ

Սյունիքի մարզպետի նախաձեռնությամբ, «Կապանի մշակույթի կենտրոն» ՊՈԱԿ-ի ջանքերով իրականացավ միջոցառման մի փուլ ևս.Սույն թվականի նոյեմբերի 29-ին «Համո Սահյանի անվան Սիսիանի քաղաքային մշակույթի կենտրոն» ՀՈԱԿ-ի դահլիճում ելույթ ունեցան Գորիսի գուսան Աշոտի անվան մշակույթի կենտրոնի ժողովրդական գործիքների համույթը, Վահե Մելքումյանի պարային ստուդիայի սաները՝ հայկական, արտասահմանյան և ժամանակակից պարերի կատարմամբ:Սցենարի հեղինակը Նարինե Մինասյանն էր:«Սիսիանի համայնքապետարանը բարձր է գնահատնում այսօրինակ նախաձեռնություններն ու կարևորում միջմարզային մշակութային միջոցառումները և մեծ սիրով մասը կազմում դրանց» - միջոցառման վերջում իր խոսքում նշեց Սիսիանի համայնքապետարանի Կրթության, ... Մանրամասն

29.11.23 Հանրային բաց լսումներ՝ Սիսիանի համայնքապետարանում

2023 թվականի նոյեմբերի 29-ին Սիսիանի համայնքապետարանի նիստերի դահլիճում տեղի ունեցավ ՀՀ Սյունիքի մարզի Սիսիան համայնքի 2024-2026թթ. միջնաժամկետ ծախսային ծրագրերի և համայնքի տնտեսական և սոցիալական ենթակառուցվածքների կարգավորմանն ու զարգացմանն ուղղված հարցերի շուրջ հանրային բաց լսումներ:

Բացման խոսքով հանդես եկան համայնքի ղեկավար Արմեն Հակոբջանյանն ու համայնքի ղեկավարի տեղակալ Աննա Կարապետյանը:

Ներկա էին համայնքի բնակավայրերի վարչական ղեկավարներ, համայնքի արտադպրոցական և նախադպրոցական հաստատությունների տնօրեններ, համայնքի բնակիչներ:

Բովանդակալից և կառուցողական հարց ու պատասխանից, քննարկումներից հետո համայնքի ղեկավարը խոստացավ համայնքում առկա խնդիրները զետեղել տարբեր ծրագրերի մեջ և իրականություն դարձնել:

28.11.23 Հայտարարություն

Սիրելի՛ սիսիանցիներ,

2023 թվականի նոյեմբերի 29-ին՝ ժամը 16:00-ին, բոլորիդ հրավիրում ենք «Համո Սահյանի անվան Սիսիանի քաղաքային մշակույթի կենտրոն» ՀՈԱԿ-ի դահլիճ՝ ներկա գտնվելու Սյունիքի մարզպետի աշխատակազմի նախաձեռնությամբ կազմակերպված «Սիսիան, Գորիս, իմ Կապան, ձեզ է տանում իմ ճամփան» խորագրով մշակութային միջոցառմանը:

Միջոցառման շրջանակներում ելույթ կունենան Գորիս համայնքից ժամանած պարային և երաժշտական համույթները:

28.11.23 Գեղանկարիչ Սլավիկ Խաչատրյանը տևական դադարից հետո նորից ստեղծագործում է

Հայաստանի ազգային պատկերասրահի Սիսիանի մասնաճյուղում օրը տոնական էր.Համայնքի բնակիչներ, տարբեր կառույցների ներկայացուցիչներ հրավիրված էին գեղանկարիչ Սլավիկ Խաչատրյանի նոր ստեղծագործությունների ցուցահանդեսին, որը համընկել էր նկարչի ծննդյան 77-ամյակին:Ներկա էր նաև Հայաստանի նկարիչների միության Սյունիքի մասնաճյուղի տնօրեն Արամ Մանշուրյանը, ով հանդես եկավ խոսքով, մեծարեց և գովասանքի խոսքեր հնչեցրեց վարպետի մասին:Ողջ ցերեկույթն ուղեկցվեց «Էմմա Ասյանի անվան Սիսիանի մանկական երաժշտական դպրոց» ՀՈԱԿ-ի քանոնի բաժնի 5-րդ դասարանի աշակերտուհի Մերի Սուքիասյանի կատարումներով (ուսուցչուհի՝ Աննա Հախվերդյան, նվագակցող՝ Լուիզա Ներսիսյան):Շնորհավոր տո՛նդ, մեծն արվեստագետ, Սիսիանի անունն ու պատիվը մշակութային ... Մանրամասն

24.11.23 Դրամաշնորհային ծրագիր՝ քաղացիական հասարակության կազմակերպությունների համար

Սյունիքի մարզի սոցիալական ծառայությունների բարելավման և/կամ նոր տեսակի ծառայությունների համակարգեր ստեղծելու նպատակով՝ Եվրոպական միության ֆինանսավորմամբ «Մարդը կարիքի մեջ» ՀԿ-ն հայտարարում է դրամաշնորհային մրցույթ։

Մրցույթին կարող են մասնակցել ՀՀ Սյունիքի մարզում գործող քաղացիական հասարակության կազմակերպությունները, որոնք ունեն սոցիալական ծառայությունների մատուցման առնվազն 1 տարվա փորձառություն։

Դիմումների ընդունման վերջնաժամկետը դեկտեմբերի 10-ն է։

Լրացուցիչ հարցերի կամ պարզաբանումների համար նոյեմբերի 27-ին՝ ժամը 12:00, կկայանա առցանց տեղեկատվական հանդիպում։

Մանրամասներն այստեղ՝ https://armenia.peopleinneed.net/hy/fstp-guideline-arm-10889gp

24.11.23 Ջրագծի ներքին ցանցի վերանորոգման աշխատանքներ՝ Ախլաթյան բնակավայրում

Ախլաթյան բնակավայր.

Մեկնարկել է խմելու ջրագծի ներքին ցանցի վերանորոգման աշխատանքները:

Ջրագծի 550 մետր հատվածը կփոխարինվի նորով:

24.11.23 2023 ԹՎԱԿԱՆԻ ԴԵԿՏԵՄԲԵՐԻ 1-ԻՆ ԿԱՅԱՆԱԼԻՔ ԱՎԱԳԱՆՈՒ ԵՐԿՐՈՐԴ ՆՍՏԱՇՐՋԱՆԻ ՀԵՐԹԱԿԱՆ ՆԻՍՏԻ ՎԵՐԱԲԵՐՅԱԼ

2023թ. դեկտեմբերի 1-ին, ժամը 16:00-ին Սիսիանի համայնքապետարանիդահլիճում տեղի կունենա համայնքի ավագանու երկրորդ նստաշրջանի հերթական նիստ՝ հետևյալ օրակարգով.1. Հայաստանի Հանրապետության Սյունիքի մարզի Սիսիան համայնքի 2023 թվականի բյուջեի կատարման երրորդ եռամսյակի ընթացքի մասին:2. Հայաստանի Հանրապետության Սյունիքի մարզի Սիսիան համայնքի ավագանու 2023 թվականի մայիսի 19-ի թիվ 21-Ն որոշման մեջ փոփոխություններ և լրացումներ կատարելու մասին: 3. Հայաստանի Հանրապետության Սյունիքի մարզի Սիսիան համայնքի սեփականություն հանդիսացող գույքն անհատույց օգտագործման հանձնելու մասին: 4. Հայաստանի Հանրապետության պետական բյուջեից նպատակային հատկացումներ ... Մանրամասն

23.11.23 Կարեն Ռոբերտի Իսկանդարյանը հետմահու պարգևատրվել է «Մարտական ծառայություն» մեդալով

Հայրենիքի պաշտպանության և անվտանգության ապահովման գործում ներդրած ավանդի համար Հանրապետության նախագահի «Մարտական ծառայություն» մեդալով հետմահու պարգևատրվել է ՀՀ Պաշտպանության նախարարության թիվ N զորամասի դասակի հրամանատար, 44-օրյա պատերազմի մասնակից, ավագ լեյտենանտ Կարեն Ռոբերտի Իսկանդարյանը:

2023 թվականի նոյեմբերի 23-ին համայնքի ղեկավար Արմեն Հակոբջանյանն ու ՀՀ ՊՆ զորահավաքային և զորակոչային համալրման ծառայության Սյունիքի մարզի տարածքային ստորաբաժանման Սիսիանի բաժանմունքի ղեկավարի ժամանակավոր պաշտոնակատար Հայկ Խաչատրյանը մեդալը հանձնել են հերոսի ընտանիքին:

Համայնքի ղեկավարը զրուցել է հերոսի ծնողների հետ, իր զորակցությունը հայտնել, ինչպես նաև նշել, որ մշտապես պատրաստ է աջակցել, սատարել: