Զեկ. ՆԱՐԱ ՀՈՎՀԱՆՆԻՍՅԱՆ

Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 7-րդ կետով,«Նորմատիվ իրավական ակտերի մասին» Հայաստանի Հանրապետության օրենքի 33-րդ և 34-րդ հոդվածներով ու նկատի ունենալով համայնքի ղեկավարի առաջարկը․

1. Հայաստանի Հանրապետության Սյունիքի մարզի Սիսիան համայնքի ավագանու 2023 թվականի հունիսի 28-ի «Հայաստանի Հանրապետության Սյունիքի մարզի Սիսիան համայնքի կամավոր խնդիրները, կամավոր խնդիրներին ուղղված սեփական լիազորությունները և դրանց լուծման նպատակով իրականացման կարգը սահմանելու մասին» թիվ 34-Ա որոշման մեջ կատարել հետևյալ փոփոխությունները․

1) որոշման հավելվածի 10-րդ կետի «50000» թիվը փոխարինել «80000» թվով,

2) որոշման հավելվածի 12-րդ կետը շարադրել նոր խմբագրությամբ՝ 

«12. Սոցիալական օգնության տրամադրման վերաբերյալ կամավոր խնդիրների լուծման նախապայմաններն են`

1) համայնքի բնակիչ հանդիսանալը (հաշվառված են կամ վերջին 2 տարում փաստացի բնակվում են համայնքում).

2) Արցախի Հանրապետությունից տեղահանվածներն, ովքեր փաստացի բնակվում են համայնքում.

3) սոցիալապես անապահով ընտանիք հանդիսանալու վերաբերյալ սոցիալական օգնության տրամադրման մշտական հանձնաժողովի դրական եզրակացությունը․

4) համայնքի ղեկավարի, ավագանու անդամի, համայնքապետարանի աշխատակազմի և համայնքային ենթակայության կազմակերպությունների աշխատակիցների հետ համատեղ տնտեսություն չվարելը.

5) համայնքի բյուջեի նկատմամբ հարկային պարտավորությունների բարեխիղճ կատարումը և սոցիալական օգնության տրամադրման դիմումի ներկայացման օրվա դրությամբ տեղական հարկերի, տուրքերի, վարձավճարների մասով պարտք չունենալը։»:

3) որոշման հավելվածի 13-րդ կետի «30000» թիվը փոխարինել «50000» թվով և «Նույն ընտանիքին տարվա ընթացքում սոցիալական օգնություն կարող է հատկացվել առավելագույնը 2 անգամ, որի չափը չի կարող գերազանցել  սոցիալական օգնության առավելագույն չափի 1,5-պատիկի չափը:» նախադասությունը շարադրել նոր խմբագրությամբ. «Նույն ընտանիքին տարվա ընթացքում սոցիալական օգնություն կարող է հատկացվել 1 /մեկ/ անգամ։»

2․ Համայնքապետարանի աշխատակազմի քարտուղարին՝ ապահովել սույն որոշումից բխող գործառույթների իրականացումը։

3․ Սույն որոշումն ուժի մեջ է մտնում 2024 թվականի հունվարի 1-ից։