Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի առաջին մասի 21-րդ կետով  և Հայաստանի Հանրապետության Հողային օրենսգրքի 76-րդ հոդվածի 1-ին և 3-րդ մասերով, հիմք ընդունելով Հայաստանի Հանրապետության կառավարության 2007 թվականի օգոստոսի 9-ի թիվ 980-Ն որոշումն ու նկատի ունենալով համայնքի ղեկավարի առաջարկը.

1. 2024թ. առաջին կիսամյակում բաց մրցույթով, 1քմ հողամասի տարեկան վարձավճարը 400 /չորս հարյուր/ ՀՀ դրամ մեկնարկային գնով, 25 տարի ժամկետով կառուցապատման իրավունքով տրամադրել Հայաստանի Հանրապետության Հողային օրենսգրքի 60-րդ հոդվածով սահմանված, Սիսիան համայնքի սեփականություն հանդիսացող Սիսիան քաղաքի Կ.Դեմիրճյանի զբոսայգի 4 հողամաս հասցեում գտնվող 304քմ բնակավայրերի ընդհանուր օգտագործման հողամասը (վկ. 22122021-09-0025, ծածկ.09-006-0250-0069)՝ սպասարկման շարժական տաղավարներ տեղադրելու և բացօթյա սրճարան կառուցելու նպատակով:

2. Համայնքապետարանի աշխատակազմի քարտուղարին` ապահովել սույն որոշումից բխող անհրաժեշտ գործառույթների իրականացումը: