«Նեյչրլ Ռիսորս Մենեջմենթ» ՓԲԸ-ն (այսուհետ՝ Ձեռնարկող) նախատեսում է Սյունիքի մարզի Սիսիան համայնքի Դաստակերտ բնակավայրի հարակից տարածքներում 2021-2023թթ. ժամանակահատվածում իրականացնել երկրաբանահետախուզական աշխատանքներ (այսուհետ՝ Աշխատանքներ)։
Աշխատանքների նպատակը Դաստակերտ բնակավայրի հարևանությամբ պղինձ-մոլիբդենային հանքավայրի նախկինում ուսումնասիրված և հաստատված պաշարների վերագնահատումը և հաստատումը, այդ պաշարների հիման վրա լեռնահանքային համալիրի ստեղծման հնարավորության գնահատումը և համայնքում ընդերքօգտագործման ոլորտի զարգացման տնտեսական հեռանկարների հստակեցումն է։
«Շրջակա միջավայրի վրա ազդեցության գնահատման և փորձաքննության մասին» ՀՀ օրենքով սահմանված կարգով նախնական փորձաքննության գործընթացի շրջանակներում 2020թ. դեկտեմբերի 22-ին, ժամը 12-ին Սիսիանի համայնքապետարանի նիստերի դահլիճում տեղի կունենա Աշխատանքների վերաբերյալ հանրային քննարկում:
Հանրային քննարկումն իրականցնում են Ձեռնարկողը և Սիսիան համայնքի ղեկավարը՝ համատեղ:
Աշխատանքների վերաբերյալ տեղեկատվությունը կարող եք տեսնել ստորև տեղադրված կից ֆայլում: Ծրագրի վերաբերյալ տեղեկատվություն կարող եք ստանալ նաև այցելելով ՀՀ Սյունիքի մարզի Սիսիանի քաղաքապետարան՝ Սյունիքի մարզ, ք. Սիսիան, Սիսական 31 հասցեով, կամ զանգահարելով +374-283-233330 հեռախոսահամարով կամ գրելով sisiancity@mail.ru էլ. հասցեով: Հանրությունը կարող է գրավոր դիտողություններ և առաջարկություններ ներկայացնել սույն ծանուցման հրապարակումից հետո 12 աշխատանքային օրվա ընթացքում: