Ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ կետով և 77-րդ հոդվածի 3-րդ մասի պահանջներով, «Նորմատիվ իրավական ակտերի մասին» Հայաստանի Հանրապետության օրենքի 33-րդ հոդվածի 3-րդ մասով և 34-րդ հոդվածի պահանջներով՝ որոշում եմ.

1. Սիսիանի համայնքի գույքագրման փաստաթղթերում կատարել լրացումներ և գույքացանկ ներառել վայրի բնության և մշակութային արժեքների պահպանման հիմնադրամի կողմից նվիրատվության թիվ ԱԼՀ-09/19 պայմանագրով ձեռք բերված  Լոր և Վաղատին բնակավայրերում կառուցված փողոցների արտաքին լուսավորության համակարգերը՝ 14 622 557 /տասնչորս միլիոն վեց հարյուր քսաներկու հազար հինգ հարյուր հիսունյոթ/ ՀՀ դրամ արժեքով՝ համաձայն հավելվածներ 1 և 2-ի:

2. Համայնքապետարանի աշխատակազմի ֆինանսատնտեսագիտական և սոցիալ-տնտեսական զարգացման բաժնին՝ գույքագրման փաստաթղթերում կատարված փոփոխությունները ներկայացնել համայնքի ավագանու առաջիկա նիստի հաստատմանը: