Ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ և 42-րդ հոդվածի 1-ին մասի 8-րդ կետերով ու Հայաստանի Հանրապետության Քաղաքացիական օրենսգրքի 188-րդ հոդվածի 5-րդ կետերով ու հաշվի առնելով ՀՀ Սյունիքի մարզի քննչական բաժնի Սիսիանի քննչական բաժանմունքի պետի տեղակալ Ա. Գրիգորյանի 2019 թվականի նոյեմբերի 24-ի No.572-20քր-19 գրությունը՝ որոշում եմ.
1. Հայաստանի Հանրապետության Սյունիքի մարզի Սիսիան քաղաքի Չարենցի փողոց թիվ 2ա հասցեի հարակից տարածքում գտնվող, համայնքային սեփականություն հանդիսացող հողամասի վրա քաղաքացի Վալենտին Պետրոսյանի կողմից ինքնակամ կառուցված 24քմ շինությունը, որի պահպանումը խախտում է այլ անձանց իրավունքները և oրենքով պահպանվող շահերը, ճանաչել ոչ օրինական:
2. Վալենտին Պետրոսյանին՝ իր սեփական միջոցների հաշվին 30-օրյա ժամկետում քանդել Սիսիան քաղաքի Չարենցի փողոց թիվ 2ա հասցեի հարակից տարածքում գտնվող, համայնքային սեփականություն հանդիսացող հողամասի վրա իր կողմից ինքնակամ կառուցված շինությունը, առաջացած շինարարական աղբը սահմանված կարգով տեղափոխել աղբավայր և տարածքը բերել նախկին տեսքի:
3. Համայնքապետարանի աշխատակազմի քաղաքաշինության և տնտեսության ոլորտը համակարգող բաժնի պետ Սիմոն Հովհաննիսյանին՝ կատարվելիք աշխատանքների նկատմամբ իրականացնել հսկողություն: